Санжар Баратов: “Насаф"га қарши бизни жиддий ўйин кутиб турибди”

-   “Насаф” яхши шаклланган жамоа. Буни улар нафақат ички мусобақалар, балки Осиё Чемпионлар Лигасида ҳам намойиш этишяпти. Бу ерда 5 йил тўп сурдим. Асосий таркибда ҳам 6-7та ўйинда майдонга тушдим, аммо жамоа таркибидан мустаҳкам ўрин ололмадик. “Насаф”да қадрдон дўстларим Фаррух Сайфиев, Элдор Суюнов ва бошқалар тўп суришмоқда. Яна бир яқин дўстим Шохрух Гадоев эса хорижда тўп тепаётганидан хабарингиз бор. Фурсатдан фойдаланиб унинг келгуси фаолиятига омадлар тилайман. Бизни жиддий синов кутиб турибди. Қаршиликлар учун бу ўйин ОЧЛ олдидан ўзига хос тайёргарлик вазифасини ўтаб беради. Лекин биз ҳам Қаршига шунчаки сайёҳ сифатида келганимиз йўқ. Ўз майдонимизда “Бухоро” ҳамда “Бунёдкор” жамоаларига қарши кечган ўйинларда қўлга киритилган натижаларимиз тасодиф эмаслигини Қаршида ҳам исботлашга ҳаракат қиламиз.

-   Мавсумолди тайёргарлик жараёнида жамоанинг бир қатор голларига муаллифлик қилгандингиз. Расмий ўйинларда эса ҳозирча голларингиз ҳисоби очилмади...
-   Ўртоқлик учрашувлари билан расмий ўйинлар фарқ қилади. Қолаверса, ўртоқлик ўйинларида мен кўпроқ олдинги чизиқда ҳаракат қилаётгандим. Ҳозир эса ўнг қанот ярим ҳимоясида ўйнаяпман. Умид қиламанки тез орада “Обод” жамоасида расмий ўйинлардаги голларим ҳисобини ҳам очишга муваффақ бўламан.