Самвел Бабаян: "Камолиддин Кенжаевни қўллаб-қувватлаш акциясида иштирок этамиз"
31 oct 2014 21:21
News

Самвел Бабаян: "Камолиддин Кенжаевни қўллаб-қувватлаш акциясида иштирок этамиз"

Хабарингиз бор, "Насаф" жамоасининг 2000-йиллардаги энг яхши ҳимоячиларидан бири Камолиддин Кенжаев 2006 йил автофалокат туфайли ногиронлар аравачасига михланиб қолган.

Шу муносабат билан ўтказилаётган хайрия акциясида "Пахтакор" жамоаси ҳам иштирок этишни ўзига бурч деб билди.

"Камолиддиннинг ўйинлари менга жуда ёқарди. Ёш бўлишига қарамай, "Насаф"нинг асосий ҳимоячисига айланди. Ўнг қанотда олисдан туриб, кучли зарбалар бера олиши билан мухлислар эътиборини қозонган. Ёдингизда бўлса, ўша йиллари жамоамиз сафини турли вилоятлардан келган энг сара футболчилар тўлдирганди. 2006 йил якунига етганидан сўнг у жамоамизга трансфер қилиниши лозим бўлган футболчилар орасида энг юқорисида турган эди. Уни жамоамиз сафида кўришни истаб турган пайтимиз ўша хунук воқеа юз берди. Шу боисдан унга атаб уюштирилаётган тадбирларда қатнашишни ўзимиз учун бурч деб билдик. Жамоамиз билан мазкур акцияда иштирок этамиз, Камолиддинга эса клубимиз номидан сиҳат ва саломатлик тилайман", - деб таъкидлаб ўтди "Пахтакор" менежери Самвел Бабаян.

Link :

Source : pakhtakor.uz

Receive latest football news directly on your phone. Subscribe for our Telegram channel!

Rating: