Самвел Бабаян: "Йигитларга ғалаба учун раҳмат"
12 apr 2015 20:00
News

Самвел Бабаян: "Йигитларга ғалаба учун раҳмат"

"Қизилқум" - "Пахтакор" (0:2) ўйинидан сўнг ташкил этилган матбуот анжуманининг биринчи қисмида меҳмонлар бош мураббийи Самвел Бабаян қатнашди.

"Рақиб анчагина жиддий эди. Йигитларга ғалаба учун раҳмат айтаман. Ўйин қийин кечди. Бундай майдонда чиройли ўйин намойиш этиш мушкул иш. Характер намойиш эта олдик ва ғалабага эришдик. Агар биринчи бўлимдаги 3та вазиятдан фойдаланганимизда голларни учрашув охирига қолдирмасдик", - деб гап бошлади Бабаян.

- Пенальти бўлган вазиятдан олдин гол урилганди. Ўша гол ҳаққоний эдими?
- Буни кўриб чиқиш керак. Ҳуштак гол урилгунгача бўлдими ёки ундан кейинми мана шуни билиш лозим.

- Наврўзбек Алимов бугун захирадан майдонга тушиб қисқа вақт ичида иккита сариқ карточка олди...
- У асосий таркибда ўйнашга интилмоқда. Бугун ўзини кўрсатишга жуда ҳам уринди. Оқибатда ҳаяжонини боса олмади.

- Нима учун Алимовни майдонга кам тушураяпсиз?
- Сергеев билан рақобатда ютиб чиқса Наврўзни асосий таркибга киритаман. Ким ўша кун кучли бўлса ўша майдонга тушади.

Link :

Source : championat.asia

Receive latest football news directly on your phone. Subscribe for our Telegram channel!

Rating: