Самвел Бабаян: "Эртага "Пахтакор" учун бу йилдаги энг муҳим ўйин бўлади"

Унга Жалолиддин Машарипов ҳамроҳлик қилди.

"Эртага бизни жуда ҳам муҳим ўйин кутиб турибди. Анчадан буён плей-оффга чиқа олмаяпмиз. Ҳозирча имкониятимиз борлигидан хурсандман. Эртага ўзимиз учун керакли натижага эришишга ҳаракат қиламиз. Рақибнинг гуруҳда чиқа олмаслиги аниқ бўлган. Бизга эса ғалаба зарур. Бундай вазиятда рақибга осонроқ бўлади. Лекин юртимиз ва клубимиз шаънини муносиб ҳимоя қилишга ҳаракат қиламиз", - дейди Бабаян.

"Жуда оғир ва қийин учрашув олдимизда турибди. Бизни фақат ғалаба қониқтиради", - дейди Машарипов.

- Жамоа бир қатор қийин ўйинлардан кейин жамоа ўзига кела олдими?
- Тикланиш борасида ҳеч қандай муаммо йўқ. Лекин жароҳат олган футболчилар туфайли муаммо бор.

- Егор Кримецнинг майдонга тушмаслиги жамоага қанчалик таъсир қилади?
- Кримец жамоамизнинг муҳим ўйинчиларидан бири. Дисквалификацияси туфайли майдонга туша олмайди. Бироқ вазият шундай экан бошқа футболчилар билан ўйнаймиз.

- Эртанги ўйиндан олдин мухлисларга қандай тилакларингиз бор?
- Эртага 2015 йилда "Пахтакор" учун энг муҳим ўйинлардан бири бўлиб ўтади. Шу сабаб барча мухлислардан эртага стадионга келиб шонли жамоамизни қўллаб туришларини сўраб қолардим. Биз эртага фақат клуб эмас Ўзбекистон учун ўйнаймиз.

Жалолиддин Машарипов - "Ал Шабаб"га қарши муҳим ўйин бор. Келинглар бизни қўллаб қувватланглар, биз ғалаба учун охиригача курашамиз.


Нарзулла Сайдуллаев