Самвел Бабаян: "Бугун ғалабага ўйнамадик. Натижа адолатли бўлди"

- Ўйин ҳақида

- Қийин ўйин бўлди. Биз шундай бўлишини билардик. "Металлург" охирги ўринда бўлса ҳам кучли жамоа ҳисобланади. Ўйинимизга келсак, учрашув эпизодларга бўлинди. Гол урганимиздан сўнг ҳисобни сақлашга ҳаракат қилдик. Гол ўтказиб юборганимиздан сўнг эса ўзимизда куч топиб ҳужумга ўтдик. Вазиятлар яратдик, афсуски гол ура олмадик. Умуман олганда, натижа адолатли бўлди. Бугун очиқчасига ғалабага ўйнамадик. Ғалаба қозонганимизда бу омаддан бўларди, афсуски, бундай бўлмади. Стандард вазиятдан гол ўтказдик. Ўйлайманки, ҳаммаси қоида асосида бўлди. Олдинга ҳаракат қилиш керак. Хулоса чиқаришга ҳаракат қиламиз. 

- Жамоа ҳисобни сақлаш мақсадида ҳужумларни камайтирди. Бунга нима сабаб бўлди?

- Юқорида бу ҳақида гапирдим. Менимча, бунга асосий сабаб биз тўпни тўлиқлигича рақибга топширганимиз. Тўпсиз ҳаракат қилиш жуда қийин. Асосий сабаб тўпни топшириб қўйганимиз. Биз тўп билан ёмон ҳаракат қилдик. Рақибдан тўпни олиб қўйган ҳолатларимизда ҳам қандайдир қийин комбинациялар амалга оширишга ҳаракат қилдик. Буларнинг барчаси тўпни йўқотиш билан якунланди. Тўпни назорат қилмаганимиз энг катта хатомиз бўлди.