Саматов ва Агалиев «Андижон» сафига қўшилди
10 feb 2018 13:10
News

Саматов ва Агалиев «Андижон» сафига қўшилди

Янги мавсумга астойдил тайёргарлик кўраётган «Андижон» пойтахтдаги йиғин чоғида ўз таркибини кучайтириб бормоқда.

Хусусан, куни-кеча таркибга «Машъал»дан Аваз Агалиев ва «Бухоро»дан Алишер Саматов келиб қўшилди. Агалиев чап қанот ҳимоячиси бўлса, Саматов ҳимоя чизиғининг маркази ва ўнг қанотида бирдек ўйнай олади. Айтиш мумкинки, ушбу футболчилар шубҳасиз «Андижон»нинг ўйинини кучайтиради.

«Бургутлар» эртага Тошкентдаги йиғини чоғида навбатдаги назорат учрашувини ўтказади. Спарринг-рақиб супер лига вакили «Бухоро» жамоасидир. Ўйин «Бунёдкор» машғулот майдонида соат 15:00да бошланиши режалаштирилган.