Саҳоб Жўраев фаолиятини якунлади
28 jul 2016 10:49
News
Саҳоб Жўраев фаолиятини якунлади
Ўзбекистон миллий терма жамоасида 23та ўйин ўтказган ҳимоячи бу йил бошида "Оқ-тепа" клубида пайдо бўлганди. Бироқ тез орада футболчи ва клуб шартномани бекор қилишди. Шундан сўнг Саҳоб Жўраев бутсаларини михга илишга қарор қилди.
Футболчи олий лигада "Локомотив", "Бунёдкор" ва "Олмалиқ" каби клубларда фаолият олиб борди. Саҳоб Жўраев 6 марта Ўзбекистон чемпиони, 5 марта Ўзбекистон кубоги соҳиби, 2 бор Ўзбекистон Суперкубоги соҳибига айланди.
- Ҳозирги пайтга келиб футболдан анча йироқлашиб кетганман. Ўзимнинг шахсий кичикроқ бизнесим бор. Шулар билан шуғулланиб юрибман. Менда футболга бўлган қизиқиш қолмади. Тўғрисини айтсам охирги 3-4 йилда ўзбек футболининг савияси пастлади ва бу ҳолат менга ҳам таъсир қилди. Инсон ҳамиша ўз ишидан роҳатланиши керак тўғрими? Мен эса нимагадир футбол ўйнаб бундай туйғуни сезмай қўйдим.
Энди "Бунёдкор" орқали мураббийликка ўқимоқчиман. Насиб қилса болаларга бу спорт турини ўргатмоқчиман. Агар мураббийлик лицензиясига эга бўлганимдан кейин "Бунёдкор" иш таклиф қилса шу ерда ишлайман, бўлмаса бошқа клубда фаолият олиб бораман, - дейди Саҳоб Жўраев "Футбол Экспресс" газетасига берган интервьюсида.

Similar news
championat.asia
ЕЧЛ. "Бенфика" дарвозабони 98-дақиқада гол уриб, "Реал"га ҳам, ўз жамоасига ҳам плей-оффни "кафолатлади"
ЕЧЛ ўтиш учрашувларига қуръа ташланди: "Реал" яна Моуриньюнинг "Бенфика"си билан ўйнайди!
ЕЧЛ. Кейинги босқичга чиққан барча жамоалар номи маълум
Туркманистон терма жамоаси футболчиси "Арал"га ўтди
Comments