"СА" ходимлари Муборакда

Мазкур тадбирга клуб журналистларни Муборакка таклиф этди. Хусусан "championat.asia"дан Нарзулла Сайдуллаев, Толибжон Қосимов ва камина. "Футбол Экспресс" газетасидан Фирдавсхон, "uff.uz" сайтидан Зафар Қосимов ва Ёқубжон Бобожонов кеча соат 22:30да Тошкент вокзалидан Қарши томон қўзғалган поезддан жой олди.

Қаршига бугун эрта тонгда соат 04:50да етиб келдик. Вокзалда бизни "Машъал" клуби ҳайдовчиси Ўлмас ака кутиб турарди ва Муборак томон олиб келди. Кичик шаҳарда яна ўтган йилгидек "Престиж" меҳмонхонасига жойлашдик.

Энди ишга киришамиз. Таништирув маросимини Нарзулла Сайдуллаев онлайн тарзда ёритиб боришга ҳаракат қилади. Толибжон Қосимов ҳам ўқувчиларимизга энг сара суратларни тақдим этиш мақсадида атайин фотоаппаратини олиб келган. Хуллас бугун Муборакдан репортажларни кутинг.

Айтганча бугун "Машъал" стадионида футбол ўйнаймиз!


Исломбек Рустамбеков