Рюдигернинг бошига 20 та чок тушди

Германиялик ҳимоячи Чемпионлар Лигаси гуруҳ босқичи 4-турида Украинанинг "Шахтёр"ига қарши баҳснинг 95-дақиқасида боши билан дарвозани ишғол қилди ва ҳисобни тенглаштирди. 

Шу тариқа, Мадрид клуби нимчорак финал йўлланмасини қўлга киритди. Бироқ бунинг бадали оғир бўлди. Рюдигер боши билан зарба бергандан сўнг тўп йўлига отилиб чиққан рақиб дарвозабони Трубин билан жиддий тўқнашиб кетди. Натижада икки футболчи ҳам зарар кўрди. Рюдигернинг бошидан кўп қон оқди. Кейинроқ очиқланишича, футболчининг бошига ушбу жароҳат туфайли 20 та чок тушган. 

"Қироллик клуби" 4 тур ортда қолганида 10 очко билан "F" гуруҳида пешқадамлик қилмоқда. Жамоа энг яқин таъқибчиси "Лейпциг"дан 4 очко кўпроқ жамғарган.