Рустам Мирсодиқов: "Ковалевнинг йўқлиги билинмоқда"

"Ўйин ҳақида ҳозир ҳеч нима дея олмайман. Сабаби баҳснинг дискини кўриб кейин фикрларимни билдиришим мумкин", - деб гап бошлади Мирсодиқов.

"Маъмур Икромовнинг жароҳати бор эди. У таваккал қилиб майдонга тушганди. Бироқ иккинчи бўлимда барибир алмаштиришга мажбур бўлдик. Александр Ковалевнинг йўқлиги бизга катта панд бермоқда. Агар у бугун майдонга тушганида бунча гол ўтказмасдик".

"Норбеков шундай ўйинчики, битта баҳсда яхши ўйнаса иккитасида ёмон ўйнайди. Агар бугун уни биринчи бўлимда туширганимда, иккинчи бўлим бошида алмаштириб юборишим мумкин эди".

"Шаҳзодбек Нурматовнинг ҳолати яхши. Иккита баҳсни ўтказиб юборди. Агар жароҳати бўлмаганида у миллий терма жамоада ҳам майдонга тушган бўларди", - дейди Рустам Мирсодиқов.