Рустам Ашурматов: "Мен Қўқон фарзандиман ва бу билан доим фахрланаман"
02 jul 2015 15:45
News

Рустам Ашурматов: "Мен Қўқон фарзандиман ва бу билан доим фахрланаман"

"Бунёдкор" клуби ҳимоячиси Рустам Ашурматов "Қўқон-1912" - "Бунёдкор" ёшлар жамоалари ўртасидаги ўйиндан сўнг ўз фикрларини билдирди.

"Қўқон-1912" билан бўлиб ўтган ўйинда ўзига яраша мураккабликларга дуч келдик. Шу сабаб ғалаба учун анча тер тўкишга мажбур бўлдик. Ўйин якунида Қўқон мухлисларининг мендан норози бўлганликлари гувоҳи бўлдим. Менимча, ўйин давомидаги кескин ҳаракатларим уларда нотўғри таассурот уйғотган. Мен Қўқон фарзандиман ва бу билан доим фахрланаман. Аммо, танганинг иккинчи тарафи ҳам бор: футболчининг вазифаси жамоаси учун ҳаракат қилиш, бор маҳоратини кўрсатиш ва ғалабани таъминлаш. Мен ўз вазифамни адо этдим ва мухлислар буни тўғри тушунишларини, бу ҳолат учун мени авф этишларини илтимос қилар эдим. Мухлисларнинг фикрини доим ҳурмат қиламан, бундан кейин ҳам шундай бўлади, бунга ваъда бераман.

Бугунги ютуқларим замирида халқимнинг қўллаб-қувватлашлари, далдаси ётганини доим ич-ичимдан ҳис қиламан ва шу сабабдан ҳам мухлислар фикри мен учун доим аҳамиятли", - дейди Рустам Ашурматов.

Link :

Source : championat.asia

Receive latest football news directly on your phone. Subscribe for our Telegram channel!

Rating: