Руни бугунги ўйинни ўтказиб юборади

ЕЧЛ чорак финалидан ўрин олган ушбу бахс "Олд траффорд" стадионида бўлиб ўтади.

Руни кеча ўтказилган машғулот вақтида оёқ пайларини чўзиб олган. Бугун тонгда ўтказилган тиббий текширув натижаларидан сўнг, Рунининг камида 10 кун майдонга туша олмаслиги маълум бўлди.

Эслатиб ўтамиз, бунгача МЮнинг бошқа бир ҳужумчиси Робин ван Перси ҳам жароҳат олган ва бир ярим ойни майдон ташқарисида ўтказишга мажбур. Шунингдек, "Қизил иблислар"нинг чап қанот ҳимоячиси Патрис Эвра ҳам чорак финалнинг дастлабки ўйинини ўтказиб юборади, унинг сариқ карточкалари иккитага етган.