Руни: "Биринчи бор МЮга мағлубият тилайман"
04 mar 2020 16:32
News

Руни: "Биринчи бор МЮга мағлубият тилайман"

Айни пайтда "Дерби Каунти"да ўйновчи мураббий сифатида ҳаракат қилаётган "Манчестер Юнайтед" собиқ сардори Уэйн Руни Англия кубоги доирасидаги баҳс олдидан фикрларини билдирди.

"Мен "Манчестер Юнайтед"ни севаман ва ҳамиша ушбу клубга энг яхшиларини тилайман. Уларга доим ғалаба тилайман. Аммо, ҳозир мана шу 90 ёки 120 дақиқадан кейин улар мағлуб бўлишларини ва кейинги босқичга чиқа олмасликларини хоҳлайман.

Қуръа натижаларини билганимдан кейин нимани ўйладим? Бизда имконият бор. Ҳозир "Юнайтед" энг яхши формасида эмас, гарчи охирги ҳафтада анча қўшган бўлсаларда. Мен бир пайтлар Англия кубоги доирасида бу ерга ("Прайд Парк" стадионига) МЮ футболчиси сифатида келганман.

Мухлислар, ўйинчилар, клуб ходимлари учун "Манчестер Юнайтед"дек жамоанинг бу ерга келиши нима эканлигини биламан. Бу бизнинг клубимиз учун катта кун ва катта чақирув", - деди Руни.