"Рубин" спорт директори Обид Қаюмбоев 0:10дан сўнг: "Лигалар орасидаги фарқ сезилиб қолди"

- Аввало муборак Рамазон ойи билан халқимизни табриклайман! Ўйин ҳақида нима дейишим мумкин? Тезкор иккита гол футболчиларнинг руҳиятига салбий таъсир қилди. Бу таркибдаги футболчиларнинг ёш эканлиги билан боғлиқ. Қолаверса, Суперлига билан 1-лиганинг орасидаги фарқ сезилиб қолди. Танаффусда йигитларга кераклиги кўрсатмалар бергандик, аввалига ҳаммаси яхши кетаётганди ҳам, аммо тўртинчи голдан кейин голлар бир-бирига уланиб кетди.

Жамоамизнинг асосий мақсади саралаш ўйинларидан ўтиб, айнан шу гуруҳдан жой олиш эди. Шунинг учун ҳам муҳим бўлмасада, саралашнинг сўнгги учрашувида ҳам ғалаба қозонгандик. Мақсад шу гуруҳдаги Суперлига жамоалари билан ўйнаш эди. Ўзимизнинг кучимизни расмий ўйинлар орқали синаб кўришни ният қилгандик.

«Бунёдкор» таркибидаги йигитлар ҳам ўзимизнинг болалар каби, буни ўйиндан аввал футболчиларга ҳам айтгандик, ҳаракат қилинглар, дегандик. Лекин барибир савия билинди. Майли, шунақаси ҳам бўлиб туради", - дейди Обид Қаюмбоев.