Рўзиқул Бердиев: “Мақсадимиз - финал”

- Мақсадимиз кейинги босқичга чиқиш эди. Бунга эришдик, -дейди Рўзиқул Бердиев. - Кейинги мақсадимиз финалга чиқиш бўлади. Чунки биз уч йил қаторасига финалга етиб бораяпмиз. Ўйинга келадиган бўлсак, “Навбаҳор” ҳам яхши шаклланган жамоа. Бугунги ўйнида биз кўпроқ кам ўйин амалиётига эга футболчиларга имконият бердик. Улар ўзларини яхши томонларини кўрсата олишди. Албатта уларга ҳам имкон бериб боришимиз керак.

- Мақсуд Каримов бугун кўпроқ ҳужумчиларга ёрдам берди...
- Бугун биз ўйин схемамизни бироз ўзгартириб ўйнадик. Бу иккинчи ўйинмиз. “Машъал”га қарши ҳам шу тахлит ҳаракат қилгандик.  Шунга қарамай бу ўз самарасини бермоқда.

- “Бунёдкор” “Олмалиқ”ни мағлуб этиб, ярим финалга йўл олди. Улардан қайси бири бизга рақиб бўлишини истардингиз?
- Ярим финалга кучли жамоалар йўл олди. “Бунёдкор” ҳақли равишда бу босқичга йўл олди ва биз финал йўлланмаси учун айнан “Бунёдкор” билан куч синашамиз.