Рўзиқул Бердиев: "Финал ҳақида гапиришга эрта"

"Мухлисларни ғалаба билан табриклайман. Икки бўлим икки хил ўтди. "Локомотив" гарчи камчиликда ҳаракат қилган бўлсада етарлича қаршилик кўрсатди. Биз нега иккинчи таймда ҳимояга ўтиб олганимизни тушунмадим. Бу борада футболчилардан сўрайман. Балки бу руҳият билан боғлиқдир. Футболчилар толиқиб қолишгани балки ўз таъсирини ўтказгандир. Лекин мен уларга ҳимояга ўтинглар деб кўрсатма бермаган эдим. Шунга қарамай натижа ижобий бўлди. 2:0 ҳисоби қониқарли натижа. Бироқ мен қарши ҳужумларда кўпроқ ўтиб, янада голлар киритиш кераклигини айтиб ўтгандим. Тўғриси, иккинчи бўлимдаги кўрсатган футболимиздан қониқмадим. Ҳали финал ҳақида ўйлашга эрта. Олдиндан бизни финалга чиқариб қўйишларини истамасдим. Жавоб ўйинидан кейин финал ҳақида гапирилса мақсадга мувофиқ бўларди", - дея ўйин ҳақидаги фикрларини билдирди Рўзиқул Бердиев.