"Ростов" президенти Шомуродовни 15 миллион еврога ҳам сотмоқчи эмас

Суҳбат чоғида Нобель Арустамян "Ростов" президенти Арташес Арутюнянцга трансферлар, хусусан Шомуродовнинг трансфери бўйича эҳтимолий таклифлар ҳақида сўраган. Арташес Арутюнянц қайсидир жиҳатдан бу жамоанинг Европа лигаси гуруҳ босқичига чиқиш ёки чиқмаслигига боғлиқлигини айтиб, ҳозирда Шомуродов ёки Норманн каби футболчиларни сотиш ҳақида ўйламаётганини таъкидлаган.

Қуйида ўша суҳбатдан парча:

Нобель Арустамян: - "Ростов" Европа лигасида мамлакат шарафини ҳимоя қилиши ва Шомуродов ёки Норманн трансфери бўйича таклифларни қабул қилиши ўртасида чегара борми?

Арташес Арутюнянц: - Агарда биз Европа лигаси гуруҳ босқичига чиқсак, унда ҳеч қандай таклифларни кўриб чиқмаймиз. 

Нобель Арустамян: - Дейлик, масалан 15 миллион евро атрофидаги таклифларга ҳам рад жавобини берасизми?

Арташес Арутюнянц: - Майли, таклифни қабул қилдик дейлик. Унда Европа лигаси гуруҳ босқичида кимлар билан ўйнаймиз?

Нобель Арустамян: - Шу боисдан ҳам мен сиздан сўрадим...

Арташес Арутюнянц: - Биз аввал бир мавсумни ўтказиб олайлик. Кейинчалик трансферлар бўйича бир тўхтамга келамиз. Европа лигаси квалификацияда қандай иштирок этишимизни кутайлик. Кейин кўрамиз. Ҳа айтганча, агарда воқеалар ривожи биз истагандек бўлмаса ҳам "Ростов" футболчиларини трансфер қилиши ҳақида ким айтди? Журналистлар бундай маълумотларни қаердан олишади, тушунмайман. Ҳа, бизнинг футболчилар бўйича қизиқиш, сўровлар кўп. Музокаралар бўлмоқда, агентлар келишади ва ҳоказо. Биз ҳеч қаерга шошилаётганимиз йўқ. Бизга бу жамоани қуриш, шакллантириш осон бўлгани йўқ. Катта куч, кўп пул, энергияларимиз ва вақтимизни сарфладик. Барчасини бир деганда сотиб юборишимизга ишонасанми?

Нобель Арустамян: Йўқ албатта/

Арташес Арутюнянц: Сен мени биласанку!