Роналду МЮнинг март ойидаги энг яхши ўйинчиси деб топилди

37 ёшли форвард овозлар сони бўйича вингер Жейдон Санчо ва ярим ҳимоячи Фреддан ўзиб кетди.

Португалиялик март ойида МЮ таркибида 2та ўйин ўтказди. У "Тоттенхэм" (3:2)га қарши АПЛ доирасидаги ўйинда хет-трик қайд этди, "Атлетико" (0:1)га қарши Чемпионлар Лигаси 1/8 финал ўйинида эса рақиб дарвозаси томон зарба бера олмади.

Роналду бунга қадар "Манчестер Юнайтед"нинг сентябрь ва октябрь ойларида энг яхши деб топилган эди.

Футболчи жорий мавсум МЮ таркибида барча мусобақаларда 33та ўйинда майдонга тушиб, 18та гол ва 3та ассист қайд этди.