Роналду Месси билан бир жамоада ўйнаши мумкин!

Манба берган хабарга кўра, парижликлар раҳбарияти ҳужумчи Килиан Мбаппенинг кетиши сабабли таркибни кучайтириш имкониятларини қидирмоқда.

Қайд этилишича, агар Роналду "қизил иблислар" лагерини тарк этса, ПСЖ уни қўлга киритиш учун бор имкониятини ишга солади.

Олдинроқ португалиялик футболчи "Манчестер Юнайтед"даги вазиятдан норози эканлиги ва у ўз келажагини агенти Жорже Мендеш билан муҳокама қилаётгани ҳақида хабар берилганди.

Роналду жорий мавсумда Премер-лигада 16 ўйинда майдонга тушиб, 8 та гол урди ва 3 та голга ассистентлик қилди.