Роналду Луис Диасни "Ал Насср"да кўришни истамоқда — клуб 100 миллион евро беришга тайёр

Sport.es нашрининг маълум қилишича, Роналду "Ливерпуль" вингери Луис Диаснинг жамоага қўшилишини хоҳламоқда.

Манбага кўра, Криштиану колумбиялик вингернинг қанотдаги ўйинларини кўриб, ўзини голли вазиятлар билан таъминланишини истамоқда. Саудия Арабистони клуби "Ливерпуль" талаб қилган 100 миллион евро миқдоридаги товон пулини тўлашга тайёр.

Аввалроқ мерсисайдликлар Луис Диас учун "Бавария" томонидан таклиф қилинган 67,4 миллионни рад этган эди.

Эслатиб ўтамиз, ўтган мавсумда 27 ёшли Диас барча мусобақаларда 50 та учрашувда қатнашиб, 17 та гол ва 8 та ассистга муаллифлик қилган. Унинг "Ливерпуль" билан амалдаги шартномаси 2027 йилнинг ёзигача амал қилади.