Роналдо 40 ёшга тўлди

Бразилиялик футболчи 1976 йил 18 сентябрь куни Рио-де-Жанейро шаҳрида туғилган. Унинг биринчи профессионал клуби «Крузейро» бўлган. Кейинчалик ПСВ, «Барселона», «Интер», «Реал», «Милан» ва «Коринтианс» каби клублар шарафини ҳимоя қилган.

Бразилия терма жамоаси сафида Роналдо икки марта Жаҳон чемпиони бўлган ва икки марта Америка кубогида зафар қучган.

Роналдо ФИФA талқинига кўра уч марта (1996, 1997, 2002 йилларда) жаҳоннинг энг яхши футболчиси бўлган, икки марта «Олтин тўп»га эга чиққан (1997 ва 2002 йилларда).