“Рома” ва “Валенсия” ўзаро ҳужумчи алмашмоқчи

Манбага кўра, “кўршапалаклар” ҳужумчиси Гонсалу Гедеш “Рома”га йўл олиши мумкин. Қарама-қарши йўналишда эса “Рома” фордварди Карлес Перес “Валенсия” ўтади.

Гедеш 2018 йилдан бери “Валенсия” шарафини ҳимоя қилмоқда ва унинг хизматларига римликлар устози Жозе Моуриньюнинг шахсан ўзи қизиқиш билдирмоқда. Португалияликнинг клуби билан амалдаги шартномаси 2023 йил ёзида ўз якунига етади. Футболчининг трансфер нархи эса 30 млн еврога баҳоланмоқда.

Перес 2020 йил 12,5 млн евро эвазига “Барселона”дан “бўрилар” сафига ўтган. Унинг клуб билан келишуви 2024 йил 30 июнига қадар тузилган. Испанияликнинг ҳозирги трансфер нархи эса 7 млн еврога баҳоланган.