Роджерс: "Суарес жамоадан узр сўраши шарт"
11 aug 2013 16:54
News

Роджерс: "Суарес жамоадан узр сўраши шарт"

"Ливерпуль" бош мураббийи Бренден Роджерснинг айтишича, Луис Суарес жамоадошлари билан бирга машғулот ўтказиши учун, аввало, улардан узр сўраши лозим.

"Аввало, у клуб ва жамоадошларидан кечирим сўраши керак бўлади", дейди Роджерс Суарес энди нима қилиши ҳақидаги саволга жавоб берар экан.

"Мен у билан яқинда кўришдим. У ҳозир биз билган ўша Суарес эмас. Мен мухлислар ва қолган футболчиларни ёнини олиб шундай деяпман. Чунки улар бундан яхшироқ муносабатга муносиблар".

"У бир неча кун фақат бир ўзи машғулот ўтказди. Жамоа эса алоҳида ишлади".

"У терма жамоаси билан Япониядан қайтганидан сўнг, жамоадан узр сўраши керак".

"Биз Норвегиядалигимизда мен Жон Генри (жамоа хўжайини) билан гаплашдим. Биз ҳаммамиз бир фикрдамиз. У "Арсенал"га ўтмайди. Бу - аниқ. Биз уни жамоада олиб қоламиз", деди "Ливерпуль" устози.

Link :

Source : skysports.com

Receive latest football news directly on your phone. Subscribe for our Telegram channel!

Rating: