Робин Дутт "Вердер"да қолади
11 dec 2013 16:27
News

Робин Дутт "Вердер"да қолади

Бременнинг "Вердер" жамоаси мавсумни кўнгилдагидек ўтказа олмаяпти. Машшоқлар бундеслигада 15 учрашувдан сўнг 16 очко тўплаган ҳолда 14 поғонани банд этиб туришибди.

"Вердер"нинг йил бошидан буён кичик инқирозни бошидан кечираётганидан кўпчиликнинг хабари бор. Бременликлар бундеслиганинг ўтган турида "Бавария"га 0:7 ҳисобида мағлубиятга учрадилар. Айнан, ўша учрашувдан сўнг кўпчилик жамоа бош мураббийи Робин Дуттнинг истеъфога чиқарилиши мумкин экани тўғрисида гапира бошлаганди. Аммо "Вердер" спорт директори Томас Айхин жамоа раҳбариятининг Дуттдан умиди ҳали катта эканини таъкидлади.

- Истеъфо тўғрисида гап бўлиши мумкин эмас. Биз Дуттга ишонамиз, ҳали ундан умидимиз катта. Юз фоиз ишонч билан айтишим мумкинки, Робин Дутт "Вердер"да қолади, - деди турли хил гап-сўзларга барҳам бермоқчи бўлган Айхин.

"Вердер" мавсум бошидан буён ишқибозлар кутган ўйинни намойиш эта олаётгани йўқ. Катта тарихга эга бўлган жамоанинг бундай натижаларни қайд этаётгани кўпчилик футбол мухлисларини ҳайрон қолдирмоқда. Шу боисдан кўпчилик тез орада машшқолар жамоасида янги ислоҳотлар бўлиб ўтишига ишонмоқда. Кўрамиз, воқеалар қандай ривожланар экан…

Link :

Source : fussball.de

Receive latest football news directly on your phone. Subscribe for our Telegram channel!

Rating: