Роберто Карлос Хожсонни кескин танқид қилди

"Рой Ходжсон мени "синдирганди". У мени ярим ҳимоянинг марказида ўйнашга мажбур қилган. Бу позицияда Бразилия терма жамоаси сафига қўшилиш имкониятига эга эмасдим. Олдинда эса бизни 1997 йилги Америка кубоги кутиб турарди.

Жожсон қўл остида жуда ёмон ўйнаганман. У шунчаки футболни тушунмасди", — дейди Карлос "Marcа"га берган интервьюсида.

Эслатиб ўтамиз, Карлос 1995 йилда "Палмейрас"дан "Интер"га ўтганди. Милан клубидаги муваффақиятсиз мавсумдан кейин "Реал" сафига қўшилди ва дунёнинг энг яхши қанот ҳимоячиларидан бирига айланди.

Рой Ходжсон бугунги кунда ҳам мураббийлик фаолиятини олиб бормоқда. 72 ёшли мутахассис Лондоннинг "Кристал Пэлас" клубини бошқаради.