Роберто "Барселона"да қолмоқчи

"Барселона" ҳимоячиси Сержи Роберто Каталония клубида қолиш истагини билдирди. 30 ёшли ҳимоячининг "кўк-анорранглилар" билан амалдаги келишуви жорий мавсум охиригача мўлжалланган.

"Биз ҳали "Барселона" билан гаплашмадик, лекин мен қолишни хоҳлайман. Аввалроқ мураббийлар штаби мендан мамнун эканлигини ва қолишимни айтганди. Мен яна футболдан завқ оляпман ва шартномани узайтиришдан жуда хурсанд бўламан. Менда яхши туйғу бор, "Барса" либосида ўйнашдан роҳатланишни истайман.

Ишончим комилки, 2023 йил мен учун жуда бошқача йил бўлади ва жароҳатлар унутилади. Мен бунга 100% аминман. Сиз ҳар доим яхшиланишингиз мумкин, аммо биламанки, мавсумнинг иккинчи қисмида ҳар қачонгидан ҳам яхшироқ бўламан", – деди футболчи.