Роберто Айяла: “Месси – Спиди Гонзалес, Марадона эса санъат асари"
03 may 2020 19:25
News

Роберто Айяла: “Месси – Спиди Гонзалес, Марадона эса санъат асари"

Аргентиналик собиқ ҳимоячи Роберто Айяла Диего Марадона ва Лионель Мессини бир-бирга солиштирди.

“Улар ҳар хил, Диего – майдонда қилганларининг ҳар бири чинакам санъат асари.
Месси – Спиди Гонзалес (Looney Tunes қаҳрамони, Мекcикадаги энг тезкор сичқон), тўпни ўзидан йироқлашишига имкон бермайди. Лео уни оёғидан икки сантиметр масофада ушлаб туради. Қандай қилиб у бунга эришаркин?
Иккаласи билан ҳам ўйнаганман. Диего билан футболдаги илк қадамларимни қўйганман. Улар икки йиртқичдек, Лео фаолиятини тугатганида, уни ҳам эсга олишади. Билмадим, бу Марадона сингари бўладими. Аммо буниси муҳими эмас”, дейди Айяла.