Рис Жеймс: "Биз ҳурматсизлик қилдик"

Энцо Мареска шогирдлари мусобақанинг чорак финалида "Легия" майдонида 3:0 ҳисобида ғалабага эришганди. Жавоб ўйинида лондонликлар ўз майдонида 1:2 ҳисобида мағлуб бўлди.

"3:0 ҳисобида олдинда бораётгандик, балки айнан шу сабабли биз жуда бўшашдик. Биз олдинга ҳаракатланамиз, буни зинҳор ортга қадам деб ҳисобламайман.

Балки биз турнирга ҳурматсизлик қилгандирмиз. Агарда ўйинга юқори даражада тайёрланмасанг, бунинг тўловини тўлашинг керак бўлади.

Бу кайфиятга ҳам таъсир қилади. Бундай нарсалар мияда қолиб кетади. Мухлисларнинг бу ҳолатини тушунса бўлади. Одамлар ҳиссиётлар билан бизнинг ўйинин кўргани келишади. Бугун эса бизни томоша қилишнинг ўзи оғир эди", - деди Жеймс.