Рифат Акрамхўжаев "Локомотив" футбол мактабига директор этиб тайинланди

Маълумот учун, Рифат Акрамхўжаев "Локомотив"даги фаолиятини 2019 йилда бошлаган бўлиб, дастлаб "Локо" U-21 жамоасида ёрдамчи мураббий сифатида иш олиб борган. Иккинчи даврада шу жамоа бош мураббийи этиб тайинланиб, "Локомотив" ўринбосарларининг U-21 чемпионати чемпиони бўлишида муносиб ҳисса қўшди. 

2020 йил ушбу мутахассис "Локомотив" U-18 жамоаси бош мураббийи лавозимида фаолият олиб борди ва U-18 мусобақасида учинчи ўринни қўлга киритди. 2021 йил бошида "Сурхон" футбол клубига йўл олган Рифат Акрамхўжаев 1 июль куни яна "Локомотив"га қайтиб, дастлаб селекционер мураббий, ундан кейин U-18 жамоаси бош мураббийи бўлиб ишлади. 

Ўтган йил "Локомотив"нинг 18 ёшгача футболчилари Акрамхўжаев қўл остида 10та учрашувда майдонга тушиб, 8 ғалаба, 1 дуранг ва 2 мағлубият қайд этиб ижобий натижа кўрсатди. Шу ўринда янги иш ва янги лавозимда Рифат Сайди-Анваровичга омад ва зафарлар тилаб қоламиз.

"Локомотив" ПФК матбуот хизмати.