РФПЛ юлдузлари 10 йил олдин қандай кўринишда эди
19 mar 2015 17:00
News

РФПЛ юлдузлари 10 йил олдин қандай кўринишда эди

"Championat.com" сайти ўзининг 10 йиллик юбилейи муносабати билан Россия чемпионатининг ҳозирги юлдузлари 10 йил олдин қандай кўринишда бўлганини эслади.

Игорь Акинфеев

2005 йил март. Игорь ўша пайтда Премьер-лигада икки мавсумни ўтказиб бўлган эди. Олдинда уни жамоавий ва шахсий ютуқлар кутиб турибди.

2015 йил март. Терма жамоа ва ЦСКАнинг биринчи рақамли дарвозабони.

Александр Анюков

2005 йил март. Петербургга кўчиб ўтишидан олдин Самарадаги сўнгги ўйинларини ўтказмоқда.

2015 йил март. "Зенит" ветерани доим ҳам асосий таркибдан жой ола билмаяпти, аммо рақобатчиларини бўшашишига йўл қўймаяпти. Унга имконият берилса, худди ёшлигидагидек бор кучи билан ўйнайди.

Андрей Аршавин

2005 йил март. Мутахассислар томонидан ўз тенгқурлари орасида энг иқтидорлик футболчи деб тан олинган ва унга катта умид билдиришган. Аршавин - Кержаков тандеми рақиб ҳимоясини дахшатга солар эди.

2015 йил март. Виллаш-Боаш қўл остида деярли ўйнаётгани йўқ ва фаолиятини якунлаш ҳақида ўйлаяпти.

Алексей Березуцкий

2005 йил март. Алексейнинг ёшлиги (22 ёш) унга ЦСКАда асосий таркибда майдонга тушишга ва терма жамоага тез-тез чақирилиб туришга ҳалақит бермайди.

2015 йил март. Акаси Василийдан кўра камроқ майдонга тушяпти, аммо майдоннинг ҳар қандай жойида ўйнашга тайёрлиги билан мураббий ва мухлисларни ўзига оғдира олмоқда.

Василий Березуцкий

2005 йил март. Василийнинг ЦСКА асосий таркибига кириши Алексейдан кўра қийинроқ кечди. Унинг учун 2005 йилги мавсум оғир ўтди.

2015 йил март. Василий билан ҳаммаси жойида: у терма жамоа ва клубда алмаштирииб бўлмас футболчи.

Динияр Билялетдинов

2005 йил март. Катталар сафидаги ўзининг иккичи мавсумида Россиянинг энг яхши ёш футболчиси деб топилган.

2015 йил март. "Спартак"да йўқотилган ишончни, "Торпедо"да тиклаяпти.

Мигел Данни

2005 йил март. Россия футболининг 21 ёшли дебютанти "Динамо" - "Крилья Советов" ўйини билан ўз биографиясининг янги саҳифасини очади. Ўша пайтларда унинг трансфер баҳоси 30 млн. евро эмас, ундан 10 марта кам эди.

2015 йил март. "Зенит" энг қиммат футболчиларидан бири. У ҳозирда питерликларнинг барча ўйинида сардорлик боғичи билан ҳаракат қиляпти.

Виталий Денисов

2005 йил март. Ўша пайтларда ЦСКАдаги акаларининг ўйинини кузатар эди. Ўзи эса ёшлар таркибида тўп сурарди.

2015 йил март. "Локомотив"нинг чап қанот ҳимоячиси ҳозирги кунда ўзининг энг кучга тўлган палласида. Виталий ўз ампуласида Россия чемпионатининг энг яхшиларидан бири.