"Реал" ёки "Барселона"да ўйнаш? Холанд жавоб берди
22 jan 14:03
News

"Реал" ёки "Барселона"да ўйнаш? Холанд жавоб берди

"Манчестер Сити" ҳужумчиси Эрлинг Холанд бугун бўлиб ўтадиган ПСЖга қарши ЕЧЛ ўйини олдидан кеча матбуот анжуманида иштирок этди.

Унда Эрлинг футболчиларнинг "Реал" ёки "Барселона"да ўйнаш орзуси ҳақидаги саволга жавоб қайтарди.

"Мен яқиндагина 9 ярим йиллик янги шартнома имзоладим. Шундай экан, мендан нима дейишимни кутяпсиз?
Албатта, мен у ёки бу жамоа ("Реал" ва "Барселона" назарда тутилмоқда)да ўйнамаётганимдан мамнунман ва бу мени қониқтиради. Олдин ҳам айтганимдек, мен ўз танловимдан хурсандман ва Манчестерда узоқ йилларни ўтказишни интизорлик билан кутяпман", - деди Холанд.