"Реал" Винисиус Жуниорга ўринбосар топди – АПЛ юлдузи устувор вариант
28 jul 2025 16:13
News

"Реал" Винисиус Жуниорга ўринбосар топди – АПЛ юлдузи устувор вариант

"Реал" Винисиус Жуниорни йўқотиши мумкин - томонлар шартномани узайтириш борасида келиша олмаяпти.

Саудия Арабистонига кўчиб ўтиши мумкинлиги ҳақидаги миш-мишлар фонида Мадрид клуби аллақачон унга ўринбосар танлаган.

Винисиус Жуниорнинг "Реал" билан шартномаси 2027 йилгача мўлжалланган, бироқ бразилиялик футболчи маоши сезиларли даражада ошиши шарти билан яна 3 йилга узайтиришга тайёр. ОАВ хабарига кўра, Винисиус Килиан Мбаппедан кўпроқ маош талаб қилмоқда, бу эса клубни қийин аҳволга солиб қўяди.

Айни пайтда ҳужучига Саудия Арабистонидан қизиқиш сақланиб қолмоқда. Лига унга рекорд даражадаги шартнома таклиф қилди – беш йил учун 1 миллиард евро ва музокаралар давом этмоқда.

"Реал" президенти Флорентино Перес вазиятнинг мураккаблигини тушуниб, муқобил вариантни кўриб чиқмоқда. Cadena SER хабарига кўра, рўйхатнинг биринчи поғонасидан "Манчестер Сити" ҳужумчиси Эрлинг Ҳоланд жой олган. Перес уни Мбаппе билан бирга ҳужумда кўришни хоҳлайди, бу эса мадридликларни кейинги ўн йилликнинг супер жамоасига айлантириши мумкин.

"Реал" Ла Лиганинг янги мавсумини 19 август куни "Осасуна"га қарши ўйин билан бошлайди.

Link :

Source : Cadena SER

Receive latest football news directly on your phone. Subscribe for our Telegram channel!

Rating: +5