«Реал» Роналдунинг дисквалификациясини шундай қолдирмоқчи эмас
18 aug 2017 09:21
News

«Реал» Роналдунинг дисквалификациясини шундай қолдирмоқчи эмас

«Реал» Криштиану Роналдунинг 5 ўйинлик дисквалификациясини барибир камайтиришга уринади. Клуб спорт тартиб-интизом қўмитасига (TAD) мурожаат қилмоқчи.

Мадрид клуби 32 ёшли футболчига Испания Суперкубоги доирасидаги «Барселона»га қарши ўйинда (3:1) берилган жазони юмшатишга уринмоқда.

Олдинроқ Испания Қироллик футбол Федерацияси апелляцион қўмитаси «Реал»нинг мурожаатини рад қилганди.

Футболчи «Барселона»га қарши Суперкубок жавоб баҳсини ўтказиб юборди (2:0). Бундан ташқари Роналду Испания чемпионатининг дастлабки тўрт турида «Депортиво», «Валенсия», «Леванте» ва «Реал Сосьедад»га қарши ўйинларда ҳам иштирок эта олмайди.