Ла Лига. "Атлетико" 90+4 дақиқада гол уриб, "Реал Овьедо"ни мағлуб этди, Альварес чемпионатдаги 14 ўйинлик голсиз сериясига якун ясади

Ўйин дуранг билан якунланишга жуда яқин эди. Аммо, захирадан майдонга тушган Хулиан Альварес 90+4 дақиқада тўпни рақиб дарвозасига жойлаб қўйди. Аргентиналик ҳужумчи бунга қадар Ла Лигадаги 14 та ўйиндан бери гол ура олмаётган эди.

"Атлетико" Ла Лигада 26 ўйиндан сўнг 51 очко билан турнир жадвалида учинчи ўринда бормоқда, ундан кейинги ўринни шунча очко билан "Вильярреал" эгаллаб турибди. "Реал Овьедо" эса 17 очко билан сўнгги ўринни банд этиб турибди.