"Реал" Мбаппе трансфери учун 1 миллиард евро сарфлайдими?

Мадриднинг "Реал" клуби ҳали ҳам Килиан Мбаппени сотиб олиш ниятида.

Мадрид клуби катта харажатларга қарамай, трансферни амалга оширишга тайёр, дея хабар берди "La Gazzetta dello Sport". "Қаймоқранглилар" президенти Флорентино Перес ПСЖ билан тузилган шартномага кўра, франциялик футболчи 3 йилда 636 миллион евро ишлаб олиши мумкинлигидан қўрқмаяпти – у шартларни бажаришга тайёр.

Трансфернинг умумий суммаси 1 миллиард еврога етиши мумкин. Унга парижликлардан Мбаппени сотиб олиш харажатлари, футболчининг маоши ва турли бонуслар киради.

Ҳужумчи жорий мавсум Лига 1да 14 та ўйинда майдонга тушиб, 12 та гол урди ва 2 та голли узатмани амалга оширди.