"Реал" Мбаппе ўрнига янги ҳужумчи топди

Бу ҳақда "Madrid Universal" хабар берди.

21 ёшли ҳужумчи 2023 йилда "Лейпциг"га келганидан бери 39 та гол урди, шу жумладан, жорий мавсумда 21 та тўп киритди. Унинг ишончли ўйини бирданига учта испан гранди, жумладан, "Реал", "Барселона" ва "Атлетико"нинг эътиборини тортди.

Винисиус ва Мбаппе каби юлдузларга эга бўлишига қарамай, "Реал" типик марказий ҳужумчи қидирмоқда. Шешко ҳужум учлигини тўлдира оладиган ва икка қанот вакилининг имкониятларини очиб бера оладиган шахс сифатида кўрилади.

Трансфер суммаси 100 млн еврони ташкил қилиши мумкин. Бироқ "Лейпциг" Чемпионлар Лигасига чиқа олмаса, унинг нархи 90 ёки ҳатто 80 миллионга тушади. Футболчининг клуб билан шартномаси 2029 йилгача мўлжалланган, аммо немис томони таклифларни тинглашга тайёр.

"Реал" учун асосий тўсиқ – катта рақобат: Шешкога "Барселона" ва "Атлетико" ҳам қизиқмоқда.