“Реал” дўконидан Роналдунинг сурати ғойиб бўлди
30 may 2018 08:15
News

“Реал” дўконидан Роналдунинг сурати ғойиб бўлди

“Реал” жамоа ҳужумчиси Криштиану Роналдунинг атрибутикаларини сотишда давом этмоқда, бироқ унинг сурати сайтдан олиб ташланган.

Клуб атрибутикалари сотувига бағишланган бўлимда бошқа футболчиларнинг сурати эса турибди.

Бироз вақт муқаддам "Реал 2018/19 йилги мавсум учун ўйин либосларини тақдим этган эди ва ушбу кўргазмада Роналду иштирок этмаган эди. У клубнинг янги либосида суратга тушмаган, шунингдек, видеороликда ҳам кўриниш бермади. “Реал” эса бу вазиятга изоҳ бермаган. Аммо бунга “Реал”нинг Adidas билан, Роналдунинг эса Nike билан ҳамкорлик қилиши сабаб бўлиши мумкин.