"Реал" - "Альмерия" учрашувини бошқарган ҳакам 22-турга тайинлов олмади

"Реал" ЛаЛиганинг 21-турида "Альмерия"га қарши ўйинда 3:2 ҳисобида ғалабага эришди. Учрашув бош ҳаками Франсиско Эрнандес Маэсо ва унинг видеоёрдамчиси Алехандро Эрнандес Эрнандес бир қанча баҳсли қарорлар қабул қилишди.

Эрнандес Маэсо 22-турда ишламайдиган бўлди. Эрнандес Эрнандес эса "Реал Сосьедад" – "Райо Вальекано" баҳсида бош ҳакам бўлади.

Маълумот учун, "Лас-Пальмас" – "Реал" учрашувини Сесар Сото Градо бошқарса, "Барселона" – "Вильярреал" баҳси Хосе Мунуэра Монтерога ишониб топширилган.