Latest news

14:42Шацких бош мураббий сифатида Рўзиқул Бердиев жамоасини ҳеч қачон ютолмаган  0 14:15"Буларнинг барчаси миш-миш" - Игорь Сергеев МТЖга хорижлик мураббий келиши мумкинлиги ҳақида  2 13:49Суперлига. "Нефтчи" 10 йилдан буён Қўқонда ғалаба қозона олмаяпти   1 13:21Суперлига. "Динамо" Ғузорда аср ғалабасини қўлга киритди, кейинги турда катта имтиҳон  4 12:54"Барселона" "Камп Ноу"га қайтмоқда: клуб кузда янгиланган аренада ўйнаши мумкин  0 12:26Гринвуд "Ал Насср"га ўтишга розилик берди  0 11:59Суперлига. "Навбаҳор" ўз уйида учинчи марта дуранг ўйнади, "Сўғдиёна" меҳмонда учинчи бор муроса кўчасини танлади  0 11:37U-17 аёллар Осиё Кубоги саралаш босқичига қуръа ташланди: Ўзбекистон рақибларини билиб олди  0 11:14"Насаф" янги легионери Шала "Андижон" билан ўйинда қатнашиши мумкин  8 10:50"Челси" яна бир футболчисини сотиб юборди  0 10:19Дарвин Нуньеснинг "Ал Ҳилол"даги маоши маълум  1 09:48"Челси" Жексонга нарх белгилади  6 09:17Пролига ҳам қайтмоқда. 11-турнинг расмийлари маълум  0 08:46Opta АПЛ ғолиблигига даъвогарлар рейтингини эълон қилди  8 08:15Суперлига. Бугун иккита учрашув бор  9

Равшан Ҳайдаров Ўзбекистон U-23 термасига номзодларни кўриб чиқди News

Равшан Ҳайдаров Ўзбекистон U-23 термасига номзодларни кўриб чиқди

Ўзбекистон U-23 терма жамоаси 2018 йилнинг 9–27 январь кунлари Хитойда бўлиб ўтадиган Осиё чемпионатига тайёргарлик кўрмоқда.

Бўлажак мусобақага сифатли тайёрланиш мақсадида 16–17 октябрь кунлари Тошкент шаҳрида ўқув-машғулотлар йиғини ташкил этилди.

Ўзбекистон Футбол Федерацияси мураббийлар кегаши тавсиясига кўра, ўқув-машғулотлар йиғинига Олий лиганинг 7 клубидан 23 нафар футболчи жалб қилинди. Ўзбекистон U-23 термаси бош мураббийи Равшан Ҳайдаров икки кун давомида жамоага номзод футболчилар имконияти билан танишиб чиқди.

«Йиғин давомида биз иккита жисмоний ва иккита назарий машғулотлар ўтказдик. Шунингдек, битта назорат ўйини ҳам ташкил қилдик. Бундан ташқари, назорат-илмий гуруҳ мутахассислари томонидан футболчиларнинг функционал тайёргарлиги текширилди», – деди Равшан Ҳайдаров ЎФФ матбуот хизматига.  Жисмоний машғулотлар ва назорат ўйини вақтида қатор футболчилар ўзини яхши томондан кўрсатиб, келажакда Ўзбекистон U-23 термасига номзод бўлиш учун рақобатни кучайтирди.

Назорат ўйини ва тест натижалари асосида ўтказилган видео-материаллар таҳлилидан сўнг мураббийлар штаби ҳамда назорат-илмий гуруҳ томонида футболчиларнинг кучли ва заиф томонлари аниқланди ҳамда футболчиларнинг функционал тайёргарлиги ва индивидуал сифатини ошириш бўйича тавсиялар ишлаб чиқилди.  Ўқув-машғулотлар йиғини юқори даражаа ташкил этилган бўлиб, машғулотлар ва назорат ўйинини ўтказиб учун барча шароитлар яратилди».

Қуйида икки кунлик ўқув-машғулотлар йиғинида иштирок этган футболчилар рўйхати келтирилган:

Дарвозабонлар:
Раҳим Давронов («Машъал»), Низом Зиёвутдинов («Олмалиқ»), Шохжаҳон Насимов («Бухоро»);

Ҳимоячилар: Шерзод Насруллаев («Насаф»), Ғолиб Ғайбуллаев («Насаф»), Илҳом Алижонов («Насаф»), Сергей Прохоров («Локомотив»), Ойбек Рустамов («Қўқон-1912»), Нодир Йўлдошев («Пахтакор»), Аваз Маматхўжаев («Қўқон-1912»);

Ярим ҳимоячилар: Фарруҳ Икромов («Бунёдкор»), Мухаммаданас Ҳасанов («Қўқон-1912»), Бобур Давлатов («Локомотив»), Ислом Рашидхонов («Насаф»), Азиз Оманов («Локомотив»), Даврон Умиров («Бунёдкор»), Жаҳонгир Аҳмадов («Пахтакор»), Собит Синдоров («Пахтакор»), Абдулла Абдуллаев («Бунёдкор»);

Ҳужумчилар: Тимур Усмонов («Локомотив»), Акобир Тўраев («Бухоро»), Муҳаммад Султонов («Металлург»).

Эслатиб ўтамиз, Ўзбекистон U-23 терма жамоаси 2018 йилнинг 9–27 январь кунлари Хитойда бўлиб ўтадиган Осиё чемпионатида иштирок этади. Осиё чемпионатига саралаш босқичи доирасида Равшан Ҳайдаров шогирдлари Непал, Ливан ва БАА термаларини мағлубиятга учратишга муваффақ бўлганди.


Rating: -65   

Comments

championat.asia
< show latest news
Яндекс.Метрика