Равшан Ҳайдаров: “Жаҳон Чемпионатида ҳар бир ўйин – бир имконият”
03 jun 2015 09:59
News

Равшан Ҳайдаров: “Жаҳон Чемпионатида ҳар бир ўйин – бир имконият”

Эртага, 4 июнь куни Тошкент вақти билан 12:00да Ўзбекистон ёшлар терма жамоаси (U-20) Янги Зеландияда бўлиб ўтаётган Жаҳон Чемпионати гуруҳ босқичи доирасидаги иккинчи ўйинда Германия қарши майдонга тушади.

Бугун ушбу учрашувга бағишланган ўйин олди матбуот анжумани бўлиб ўтди. Анжуманда қатнашган Ўзбекистон ёшлар терма жамоаси бош мураббийи Равшан Ҳайдаров Германияга қарши ўйиндан нималар кутаётгани ҳақида тўхталиб ўтди.

“Германиянинг жуда кучли рақиб экани сир эмас. Уларга қарши биринчи ўйиндагидан бошқачароқ ўйин кўрсатишга ҳаракат қиламиз. Жаҳон Чемпионатида ҳар бир ўйин бир имконият демакдир. Улардан максимал даражада фойдаланиш керак. Ўйлайманки, йигитлар биринчи ўйиндаги хатолардан тўғри хулоса чиқариб, имкониятлардан тўғри фойдаланишга ҳаракат қилишади”.

“Ҳар бир ўйиннинг аҳамияти катта. Буни футболчилар ҳам ҳис қилиб туришибди. Албатта, Германияга қарши ўйин, биринчи турдагидан фарқ қилади. Тактик томондан ўзгаришлар бўлиши табиий, чунки рақиблар бутунлай бошқа-бошқа”, - дейди Равшан Ҳайдаров.

Link :

Source : the-uff.com

Receive latest football news directly on your phone. Subscribe for our Telegram channel!

Rating: