Равшан Ҳайдаров: "Шундай ажойиб ўйинни мухлислар кўрмагани ачинарли"

"Ўйин жуда қизиқарли ўтди. Афсуски мана шундай ажойиб баҳсни мухлислар кўра олишмади", - деб гап бошлади Ҳайдаров.

"Лекин ҳар иккала жамоа футболчилари очиқ футбол намойиш этишди. Ёш шогирдларимнинг хатолари оқибатида бугун ғалаба қозона олмадик. Дастлаб иккита гол ўтказиб юбордик, сўнгра ҳисобда олдинга чиқиб олдик. Лекин барибир ғалабани сақлаб қололмадик".

"Бугунги баҳсда бир қатор асосий футболчиларим ўйнашмади. Маматказин, Бобожонов жароҳат туфайли бугун майдонга тушишмади. Ўйлайманки, бугунги баҳсда Абдусалимов ва Азимов ўзидан ёмон таассурот қолдиришмади. Бироқ тажрибалари камлиги туфайли гол ўтказиб юбордик".

"Кейинги ўйиндан олдин имкониятларимиз мутлақо тенг. Бекободда ҳам шундай ўйин намойиш этиш мумкин. Шу боис ҳозирча ҳеч бир жамоада устунлик йўқ".

"Бугун ўйин мухлисларсиз ўтгани албатта таъсир қилди. Футболчиларнинг руҳиятига таъсир қилди. Айниқса мезбон жамоа учун қийин. Сабаби бундан олдинги ўйинларда футболчиларим мухлислар далдасига ўрганиб қолганди".

Беҳбуд Эркинов ёзиб олди.