Равшан Ҳайдаров: “Босимга охиригача туриб бера олмадик”
23 oct 2013 20:59
News

Равшан Ҳайдаров: “Босимга охиригача туриб бера олмадик”

“Олмалиқ” – “Динамо” баҳси поёнига етгач, самарқандликлар бош мураббийи Равшан Ҳайдаров ҳам ўйин тўғрисида фикрларини билдириб ўтди.

- Учрашувда тезда ҳисобни очганимиз ва ҳатто икки тўп фарқи билан олдинга чиқишимиз, футболчиларни хотиржамликка берилишига олиб келди – дея гап бошлади Равшан Акмалович.

- Бунинг устига стандарт вазиятларда ҳимояланиш жараёнида камчиликларимиз бу ўйинда ҳам ўз таъсирини ўтказмай қолмади.

Биринчи таймдаёқ ҳисобдаги устунликни қўлдан чиқардик. Иккинчи таймда рақибнинг кучли томонларини билган ҳолда асосан ҳимояланиб қарши ҳужум тактикасида ўйинни ўтказдик.

Афсуски, босимга охиригача туриб бера олмадик ва мезбонлар учинчи марта ҳам гол уришга эришишди. Балки биринчи таймни ҳисобда олдинда борган тугатганимизда Олмалиқдан яхши натижа билан қайтган бўлармидик.

Link :

Source : pfl.uz

Receive latest football news directly on your phone. Subscribe for our Telegram channel!

Rating: