Расмий хабар: "Нефтчи" бош мураббийи Баҳром Ҳайдаров истеъфога чиқди

Йиғилишда бир қатор масалалар кўриб чиқилди. Хусусан мавсум аввалидаги жамоанинг қайт этаётган муваффақиятсиз ўйини тахлил этилди. Шунингдек йиғилишда шу кунга қадар жамоани бошқариб келаётган Бахром Ҳайдаров оилавий шароити туфайли ўз аризасига биноан истеъфога чиқарилди. Хайдаров ўрнига эса вақтинчалик бош мураббийлик вазифаси Абдусамад Дўрмонов топширилди.

Ушбу мураббий ҳам жамоага бегона эмас. Абдусамад Дўрмонов футболчилик фаолияти давомида ҳам жамоа тарихида ўзининг беқиёс ўрнига эга эканлиги кўпчиликга маълум бўлса керак. "Нефтчи" жамоасининг беш карра мамлакат чемпионлигини қўлга киритилишида ҳам Дўрмонов ўзининг улкан хиссасини қўшган футболчи ҳисобланади.

Илҳом Зайлобидинов Диёр Алижонов ва Хислат Чилматов бош мураббийга ёрдам беришда давом этади.

Баҳром Ҳайдаров Сотиволдиевичга эса жамоада олиб борган ҳалол меҳнатлари ва ёш иқтидорларни тарбиялашда кўрсатган хизматлари учун ўз миннатдорчилигимизни билдирамиз ва келгуси ишларида омад тилаймиз, - деб ёзади "Нефтчи" матбуот хизмати.