Расмий хабар: «Металлург» икки нафар черногориялик мураббий билан шартнома имзолади

Клуб раҳбарияти жамоа ўйинчиларига мураббийлар штабидаги ўзгаришларни маълум қилди. Унга кўра бугундан эътиборан жамоа бош мураббий лавозимида черногориялик Веско Стешевич фаолият юритади. 

Веско Стешевич тажрибали мутахассис.  У 57 ёшда, 1965 йилнинг 18 декабрида туғилган. Мазкур  мураббийнинг сўнгги жамоаси Россия Федерациясининг «Арсенал»  (Тула) клубидир. Унга қадар «Подгорица», «Дечич», «ОФК Грбал»,  « Млалост»,  «Ал Файсали»,  «Ростов»,   «Динамо» (Москва), «Амкар» (Перм) жамоаларида фаолият юритган. «Арсенал» да тажрибали Миодраг Божович штабида ишлади.

Стешевич ўзи билан «Металлург»  жамоасига ёрдамчи сифатида Ненад Вукчевишни ҳам олиб келди. Ненад 48 ёшда, 1974 йилнинг 25 ноябрь санасида Черногориянинг Подгорица шаҳрида таваллуд топган. Футболчилик фаолиятида ҳужум чизиғида ўйнаган. Собиқ Югославия,  Греция,  Швеция клубларида тўп сурган. Футболчилик фаолиятини тугатгач,  мураббийлик соҳасида таҳсил олди. УЕФА лицензиясини қўлга киритгач ўзи туғилиб ўсган Черногориянинг «Спартак» (Субботитса),  «Петровас»,  «Подгоритса»  жамоаларида ишлади.

Аввалроқ сайтимизнинг эшитдик-да рукни орқали бу ҳақида хабар берган эдик. 

Эшитдик-да! "Металлург"нинг янги мураббийи ким эканлиги маълум