Расман: "Спортинг" "Ювентус" дарвозабонини харид қилди

"Спортинг" матбуот хизмати хабарига кўра, жамоа сафига 1,1 миллион евро эвазига уругвайлик 22 ёшли дарвозабон Франко Исроил келиб қўшилган. У беш йиллик шартнома имзоланган бўлиб, унда 45 миллион евро миқдордаги товон пули кўрсатилган.

Исроил сўнгги тўрт йил давомида Туриннинг "Ювентус" ёшлар жамоасида ўйнади.

Дарвозабон ўтган мавсумда "кекса синьора"нинг иккинчи жамоаси сафида 28 та ўйинда қатнашиб, шулардан 2 тасида дарвозасини дахлсиз қолдирган.

Эслатиб ўтамиз, "Спортинг" 2021/2022 йилги мавсумда Португалия чемпионатини 2-ўринда якунлаганди. "Порту" эса мамлакат чемпионига айланган эди.