Расман: Ромео Лавиа — "Челси" футболчиси
18 aug 2023 14:39
News

Расман: Ромео Лавиа — "Челси" футболчиси

Лондоннинг "Челси" клуби "Саутгемптон"дан бельгиялик ярим ҳимоячи Ромео Лавиани сотиб олди.

19 ёшли футболчи 7 йиллик шартномага имзо чекди ва Маурисио Почеттино жамоаси таркибини янада кучайтирди.

Клубнинг спорт директорлари Лоренс Стюарт ва Пол Уинстэнли ушбу трансфер ҳақида қуйидагича фикрда: "Биз Ромеони "Челси"да кўришдан жуда мамнунмиз. У Премьер-лиганинг ўтган мавсумида "Саутгемптон" сафида маҳоратини намойиш қила олди, ҳали ёш бўлишига қарамай, Лавиа ўта совуққон ва ақлли футболчи. Биз маълум вақт давомида уни кузатиб бордик ва жамоамизга таклиф қилдик".
"Фикримизча, у ҳозироқ ва кейинги бир неча йилда "Челси" ўйинига катта таъсир кўрсата олади".