Расман: "Реал" Анчелотти кетаётганини эълон қилди
23 may 2025 14:29
News

Расман: "Реал" Анчелотти кетаётганини эълон қилди

Tags : Реал Мадрид Ла Лига Карло Анчелотти

Мадриднинг "Реал" клуби италиялик мутахассис Карло Анчелотти жамоа бош мураббийлигидан кетаётгани ҳақида хабар берди.

Томонлар ўзаро келишув асосида ҳамкорликни тўхтатишга қарор қилишди.

"Реал" клуби ва жаҳон футболи афсоналаридан бирига ўз миннатдорчилигини билдиради. Анчелотти 6 йил ичида жамоани 15 та титул сари етаклади. Биз унга ҳаётининг янги босқичида омад тилаймиз”, – дейилади "қироллик клуби" баёнотида.

Олдинроқ "қаймоқранглилар"нинг янги бош мураббийи испаниялик Хаби Алонсо бўлиши маълум бўлганди.

"Реал" 2024/2025 йилги мавсум Испания чемпионатида 2-ўринни эгаллади. Чемпионлар Лигасида жамоа чорак финалда Лондоннинг "Арсенал" жамоасига мағлуб бўлди.

Link :

Source : realmadrid.com

Receive latest football news directly on your phone. Subscribe for our Telegram channel!

Rating: +9