Расман: "Насаф"ни тарк этган Станоевич "Динамо"га ўтди
28 dec 2024 11:11
News

Расман: "Насаф"ни тарк этган Станоевич "Динамо"га ўтди

Суперлига-2025 мавсуми олдидан таркибини кучайтираётган "Динамо" жамоаси навбатдаги футболчи билан шартнома имзолаганини маълум қилди.

Ўтган йиллар давомида "Насаф" клубидаги ўйинлари орқали мухлисларга танилган Марко Станоевич "Динамо" жамоаси аъзосига айланди. Сербиялик тажрибали ярим ҳимоячи билан бир йиллик шартнома имзоланди. У самарқандликлар сафига эркин агент мақомида қўшилди. Марко "Динамо"нинг январь ойи бошида Тошкентда ўтказиладиган йиғинига келиб қўшилади.

Станоевич Суперлига 2024 йилги мавсумида 24 ўйинда майдонга тушиб, битта голга муаллифлик қилган ва якунда Ўзбекистон чемпиони бўлди. Марко ОЧЛ жорий мавсумида ҳам 6 ўйинда тўп тепди. У Суперлигада жами 111 ўйинда 15та голга муаллифлик қилган. ОЧЛда ҳам жами 5та гол киритган.