Расман: Нани фаолиятини Австралияда давом эттиради

35 ёшли футболчи билан 1 йиллик келишув тузилди. Яқин кунларда у мавсумолди тайёргарликни олиб бораётган жамоа сафига қўшилади.

"Мен "Мельбурн"да ўйнашни интиқлик билан кутяпман, ушбу чақирув менга қизиқ. Кўрганларимдан хулоса қиладиган бўлсам, бу жамоа лиганинг энг кучли клуби. Мухлисларнинг трибунада яратадиган муҳити Европадагидан қолишмайди", – деди Нани.

Нани "Мельбурн"га эркин агент сифатида келди. У ўтган мавсумнинг иккинчи ярмида "Венеция"да ўйнади ва жамоа сафида 10 та ўйинда 1 та голли узатмани амалга оширди.