Расман: Кркич Иньестанинг жамоадошига айланди
09 aug 2021 13:10
News

Расман: Кркич Иньестанинг жамоадошига айланди

"Барселона" собиқ ҳужумчиси Боян Кркич фаолиятини Японияда давом эттиради.

30 ёшли испаниялик футболчининг янги иш жойи "Виссел Кобе" клубидир. Бу ҳақда клуб расмий сайти хабар бермоқда. Трансфер тафсилотлари ошкор этилмаяпти.

"Мен узоқ вақтдан бери япон футболига эътиборимни қаратганман. Мени ушбу мамлакат ўзига жалб қилади. Иньестанинг жамоадошига айланганимдан жуда ҳам мамнунман. Унинг узатмаларидан имкон қадар кўп гол уришга умид қиламан", - дейди ҳужумчи.

Кркич Японияга қадар МЛСнинг "Монреаль Импакт" клубида ҳаракат қилаётганди. Футболчи ўтган мавсум 19та ўйинда майдонга тушиб, 4та гол ва 2та ассист қайд этди.